• Zaburi 8:4 Mtu ni kitu gani hata umkumbuke, Na binadamu hata umwangalie?

Je, Mwanadamu ni kitu gani na ni kwa nini viumbe wote waliumbwa hapa duniani, je, yeye anaouwezo wa kuwaza na kufikiri ama kupima mambo? Je, ni kwa nini yeye anaonekana kuwa yu mkuu wa kila aina ya mfumo wa maisha?

• Mwanzo: 1:26 Mungu akasema, Na tufanye mtu kwa mfano wetu, kwa sura yetu, wakatawale samaki wa baharini, na ndege wa angani, na wanyama, na nchi yote pia, na kila chenye kutambaa kitambaacho juu ya nchi.
• 27 Mungu akamuumba mtu kwa mfano wake, kwa mfano wa Mungu akamuumba, mwanamume na mwanamke aliwaumba.
• 28 Mungu akawabarikia, Mungu akawaambia, Zaeni, mkaongezeke, mkaijaze nchi, na kuitiisha; mkatawale samaki wa baharini, na ndege wa angani, na kila kiumbe chenye uhai kitambaacho juu ya nchi.

Hili ndilo jibu lake. Mungu alimuumba mwanadamu kwa mfano wake na akampa mamlaka juu ya kila kiumbe kilicho hai kitambaacho juu ya nchi. Kwa hiyo, Mwanadamu anaonekana kuwa bora na atawale juu ya kila kilicho hai kwa kuwa Mungu aliamuru iwe hivyo.

Je, Mwanadamu aliumbwaje na anatokana na nini?

• Mwanzo: 2:7 BWANA, Mungu akamfanya mtu kwa mavumbi ya ardhi, akampulizia puani pumzi ya uhai; akawa nafsi hai.

Hapa kuna maelezo makamilifu kuhusiana na uumbwaji wa mwanadamu. Mavumbi ya nchi na Pumzi ya uhai. Hakuna kitu kingine kilichitiwa ndani ya mwanadamu. Mchanganiko huu wa Mavumbi na Pumzi ya uhai ilifanyika nafsi hai. Wakati mwanadamu anapokufa pumzi yake hutoweka na mavumbi yaliyobakia hufanyika nafsi iliyo kufa.

• Zaburi 146:4 Pumzi yake hutoka, huurudia udongo wake, Siku hiyo mawazo yake hupotea.
• Ezekieli 18:4 Tazama, roho zote ni mali yangu; kama vile roho ya baba ni mali yangu, ndivyo ilivyo roho ya mwana ni mali yangu; roho ile itendayo dhambi itakufa.

Kwa hiyo tunaona kwamba roho yaweza kufa na kubakia mavumbi tu iwapo ikifa ama yaweza kubakia kuwa mavumbi na pumzi kama ikiwa hai.

RUDI KWENYE KURASA KUU